Sigi Lyrics

[Intro]
Er isch min allerbeschte Fründ
Gaht mit mir dur dick und dünn
Und erfüllt mini Herzenswünsch

[Part 1]
Sie isch jung, sie isch schön, sie hätt was us sich gmacht
Und jede Maa wott sie ha i de Stadt
Au minereiner hätt Erfahrige gmacht
Mit dä Andrea - e haarigi Sach
Euses erschte Date vom Allerfeinschte
Rotwii - Mondschii und mir zwei beide
Bim zweite - werdemer scho s‘erschtmal begleited
Vo ihrem beschte Fründ - Sigi heisst er!
En Labrador - schlabbered a mim Ohr zur Begrüessig
Während er no elegant über mini Füess pisst
Er wott doch nur spille, seit sie troche
Doch er hätt bereits zuegschnappt bis uf de Chnoche
[Hook]
Er isch am Mensch sin beschte Fründ
Und gaht mit eus dur dick und dünn
Aber nöd er: Sig-Sigi Sig-Sig-Sigi!
Er isch am Mensch sin beschte Fründ
Und er erfüllt all Herzenswünsch
Aber er nervt: Sig-Sigi Sig-Sig-Sigi!

[Part 2]
Am Afang isch‘s o.k. gsi bsi zumne gwüsse Punkt
Aber irgendwenn isch gar nüüt meh gange ohni Hund
Kei Stund Privatsphäre für d‘Andrea und mich
Chumm mir vor wies dritte Rad am Wage dank dem Viech
Nei, Sigi isch nöd bös, Sigi findet Räge schön
Und schüttlet, was er hätt, über mis Läderinterieur
Ich probier mich z‘integriere bi de Hündbsitzer
Und chauf en ‚‘ich brems au für Hünd‘‘-Sticker Sigi dies, Sigi das, Sigi-Sigi überall
Und ischs mal nöd de Sigi, dänn bestimmt sini Haar
Defür flüged mini uus wie bim Andre Agassi
Will inzwüsche gang i sogar ohni Andrea Gassi
Mach sitz! - Platz! Sitz! - Platz!
Stattdesse kackt er schön uf min Sitzplatz
Natürlich mag ich Hünd - ich find die cool yo
Zum Bischpiil Pluto oder Snoop Dogg
[Hook]

[Part 3]
Neulich im Schlafzimmer zumne schlächte Ziitpunkt
Hätt Siegmund wieder mal driigfunkt
Game Over - er wird i d‘Stube verwise und
Vorher hinterlaht er ufem Bode no Chlikunscht
So! Ich zieh Leine! Sie seit: Wie meine?
Ich bin uf de Hund cho wäg dim Vierbeiner
Pack mini Sache und bin praktisch duss
Sie rüert dä Gummichnoche nah als Abschiedskuss
Jetzt isch sie wieder allei und wills mit Manne nöd klappt
Holt sie sich im Tierheim au grad no e Chatz
Und laht Sigi lings liggi, dänn jetzt hät Sigi
Sin ganz eigne Sigi: Miss Kitty!

[Hook]

[Outro]
Er isch min allerbeschte Fründ
Gaht mit mir dur dick und dünn
Und erfüllt mini Herzenswünsch
Er isch min allerbeschte Fründ
Gaht mit mir dur dick und dünn
Und erfüllt mini Herzenswünsch

486b48b3a94733a356e1d414de8b25fc