Ischia Mia Lyrics

ISCHIA MIA

Lyrics/Music: Antonio De Curtis / Antonio De Curtis (Totò)
Ed. Sirena La Casa Editrice Musicale
Disc: 1989 - V.A. - Le canzoni di Totò - Volume 2 - LP1 of 3 - 07 of 13 - 2:51
[CGD, 2292 46307-1]
Year: 1951

Fra tante belli cose c'ha criato
'o Padreterno 'ncopp' a chesta terra,
'na cosa ha fatto che nce s'è spassato:
immiez' a 'nu golfo 'nu pezzullo 'e terra.
E 'ncoppa a chesta terra profumata,
c'addora 'e pace e regna 'na quieta,
chest'isola che nè tenne encantata,
te c'ha piazzato pure 'na pineta.

Ischia, paraviso 'e giuventù,
Ischia, chistu mare è sempre blu!
Chistu cielo ch'è n'incanto,
chistu golfo ch'è nu vanto
chesto 'o tiene sulo tu!
Sti bellizze songhe 'o vero!
Chesto 'o dice 'o furestiero,
ca scurdà nun te pò cchiù.

. . . . . .
'A primma vota ca nce so' venuto
'ncopp' a stu scoglio d'oro illuminato,
senza parole so' rimasto muto
e pe' 'sta spiaggia me so' 'ncammenato...
Vedenno cu' 'i du' piezzi sti ffigliole,
'a verità? So asciuto d' 'o sentiero:
i' ch'ero già nu poco mbriaco 'e sole,
i' overo, sì, aggiù fatto nu pensiero...

Ischia, paraviso 'e giuventù,
Ischia, chistu mare è sempre blu!
Chistu cielo ch'è n'incanto,
chistu golfo ch'è nu vanto
chesto 'o tiene sulo tu!
Sti bellizze songhe 'o vero!
Chesto 'o dice 'o furestiero,
ca scurdà nun te pò cchiù

. . . . . .

Chistu golfo ch'è n'incanto,
chistu cielo ch'è nu vanto
chesto 'o tiene sulo tu!
Sti bellizze songhe 'o vero!
Chesto 'o dice 'o furestiero,
ca scurdà nun te pò cchiù

28fae057079ead1e1a6630255bb1373c